एमालेमा नेपाल–खनाल पक्षले समानान्तर कमिटी बनाउने

काठमाडौं / नेकपा एमाले माधव नेपाल समूहले पार्टी फुटाउने उद्देश्य साथ प्रधानमन्त्री केपी शर्मा ओलीले गरेको निर्णय विरुद्ध एकजुट हुन कार्यकर्तालाई आह्वान गरेको छ । एमालेमा नेपाल–खनाल पक्षले समानान्तर कमिटी बनाउने भएका छन् । अध्यक्ष ओलीले पद कल्याप्स गरीदिएको भन्दै यस्तो निणय गरिएको माधव पक्षले जनाएको छ । अध्यक्ष एवं प्रधानमन्त्री केपी शर्मा ओलीले महासचिव र अध्यक्ष बाहेकका पदाधिकारीको जिम्मेवारी खोसेर मंसिरमा महाधिवेशन गर्ने निर्णय गरे लगत्तै बसेको नेता नेपाल पक्षको बैठकले विधान विपरीत निर्णयको प्रतिवाद गर्ने निर्णय गरेको छ ।

जसअनुसार समानान्तर कमिटी बनाउने नेपाल पक्षले निर्णय लिएको छ । यस्तै संसदमा विघटन गर्ने योजना सफल नभएपछि अध्यक्ष ओलीले पार्टी फुटाउने प्रयास गरेको बैठकले निष्कर्ष निकालेको छ ।

चैत ४ गते राष्ट्रिय भेला बोलाएर पार्टी पुनर्संरचनाको अभियान घोषणा गर्ने नेपाल पक्षको तयारी छ । एमाले उपाध्यक्ष भीम रावलका अनुसार शनिबार केन्द्रीय समिति र संसदीय दलको संयुक्त बैठक बोलाएर थप छलफल गर्ने समझदारी पनि भएको छ ।

रावलले अध्यक्ष ओलीले पार्टीको विधान विपरित स्वेच्छाचारी र मनपरी किसिमले निर्णय गरेकाले कम्युनिष्ट आन्दोलनलाई समाप्त पार्ने कदमविरुद्ध सबैलाई एकताबद्ध गरेर पार्टीको रक्षाका लागि अग्रसर हुने बताए ।

ओलीबाट कम्युनिष्ट आन्दोलनलाई धरासायी पार्ने काम भएको नेपाल पक्षको बुझाइ छ । उनले बाधा अड्काउ फुकाउने नाममा अध्यक्षले विधान विपरित काम गर्न नमिल्ने रावलको तर्क छ । ओलीको पछिल्लो निर्णय अलोकतान्त्रिक र कम्युनिष्ट एकता विरोधी भएको उनको टिप्पणी छ । नेकपा एमाले फुटाउने र कम्युनिष्ट आन्दोलनलाई सकाउने उद्देश्यसहित कदम चालको नेपाल पक्षको ठहर छ ।

शनिबार, २९ फागुन, २०७७, बिहानको ०९:०८ बजे

सम्बन्धित खवर