एमालेले भन्यो -नेपाल पक्षलाई ताँबो तुलसी गरेपनि छुट छैन, कान समातेर उठबस नगरे पार्टी छाड्न निर्देशन

काठमाडौँ, ८ वैशाख / एमालेले नेपाल पक्षलाई ताँबो तुलसी गरेपनि छुट नभएको बताएको छ , कान समातेर उठबस गरेपनि अब छुट छैन भन्दै पार्टी छाड्न निर्देशन गरेको छ । प्रधानमन्त्री एवम् एमाले अध्यक्ष केपी शर्मा ओलीले माधवकुमार नेपालसहित ३२ सांसदलाई स्पष्टीकरण सोधेका छन् ।
एमालेमा बसेर नयाँ राजनीतिक दलको स्वरूपमा गतिविधि गरेको भन्दै स्पष्टीकरण सोधिएकामध्ये २७ प्रतिनिधिसभा सदस्य र पाँच कर्णालीका प्रदेशसभा सदस्य छन् ।

नेपाल पक्षका नेताले हालै कर्णाली प्रदेशमा ‘फ्लोर क्रस’ गरेका थिए । प्रतिनिधिसभा सदस्यतर्फ माधवकुमार नेपाल, झलनाथ खनाल, भीम रावल, सुरेन्द्र पाण्डे, घनश्याम भुसाल, योगेशकुमार भट्टराईलगायत छन् ।

यस्तै मुकुन्द न्यौपाने, यज्ञराज सुनुवार, रामकुमारी झाँक्री, मेटमणि चौधरी, पवित्रा निरौला, झपट रावल, जीवनराम श्रेष्ठ, भवानी खापुङ, विरोध खतिवडा, सोमप्रसाद पाण्डे, नारायण खतिवडा, गणेश पहाडी, जयकुमार राई, दीपकप्रकाश भट्ट, हीराचन्द्र केसी, पुष्पाकुमारी कर्ण कायस्थ, कल्याणी खड्का, लक्ष्मीकुमारी चौधरी, कृष्णलाल महर्जन, सरलाकुमारी यादव र नीरादेवी जैरूलाई स्पष्टीकरण सोधिएको छ ।

‘तपाईंले नेपाल कम्युनिस्ट पार्टी (एमाले)को विधान २०४९ (संशोध २०७१ समेत)को धारा ४९ (क) (१) (२) (३) (४) (५) (६) (७) (१२) (१४) मा उल्लिखित व्यवस्थाहरूविपरीत अनुशासन उल्लंघन गर्नुभएको प्रस्ट देखिएकोले तपाईंलाई ऐ. विधानको धारा ४९ (ख) (ग) धारा ५० बमोजिम किन कारबाही नगर्ने रु’, ओलीले सोमबारको मितिमा लेखेको स्पष्टीकरणपत्रमा लेखिएको छ, ‘साथै राजनीतिक दलसम्बन्धी ऐन २०७३ को दफा १ (ग) बमोजिम तपाईंले छुट्टै राजनीतिक दल गठन गरेकोमा किन कारबाही नगर्ने रु र, तपाईंलाई संघीय संसद्को सदस्य पदबाट किन नहटाउने ?आधार कारणसहित दुई दिनभित्र स्पष्टीकरण पेस गर्नुहुन निर्देशन गर्दछु ।’

कर्णालीमा फ्लोर क्रस गरेका प्रकाश ज्वाला, कुर्मराज शाही, नन्दसिंह बुढा, अम्मरबहादुर थापा र देवी ओलीलाई पनि स्पष्टीकरण सोधिएको छ । नेपाल, रावल, पाण्डे र भुसालले कर्णालीमा फ्लोर क्रस गराउन निर्देशन दिएको स्पष्टीकरणपत्रमा उल्लेख छ ।

‘तपाईंले कर्णाली प्रदेशसभामा प्रदेशसभाका सदस्यहरूलाई उचाल्दै भड्काउँदै अनुशासनहीन अराजक एवम् पार्टी विरोधी क्रियाकलाप गर्न दुरुत्साहन गर्ने फ्लोर क्रस गरी पार्टीका ह्विप उल्लंघन गरी गर्दै मतदान गर्न निर्देशन दिनेजस्ता अनुशासनहीन र आपराधिक कार्यसमेत गरे÷गराएकोले तपाईंलाई यसरी पार्टी वा पार्टीको संसदीय दल परित्याग गरिए तापनि दल त्याग गरेको किन नभन्ने ?’, स्पष्टीकरणपत्रमा लेखिएको छ,

बुधबार, ०८ बैशाख, २०७८, बिहानको ०८:०८ बजे

सम्बन्धित खवर