एकैदिन ३५५६ कोरोना संक्रमित थपिए, १२ को मृत्यु ,

२४ घण्टामा कुन जिल्लामा कति थपिए ?

१३ बैशाख , काठमाडौँ/ नेपालमा पछिल्लो २४ घण्टामा थप ३५५६ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले देशभरका विभिन्‍न प्रयोगशालामा गरिएको पीसीआर परीक्षणमा ३४४२ र एन्टिजेन विधिबाट गरिएको परीक्षणमा ११४ जनामा कोरोना पुष्टि भएको जानकारी दिएका हुन् ।

१२ हजार ४०० जनाको पीसीआर र ८९३ को एन्टिजेन विधिबाट गरिएको परीक्षणमा सो संख्यामा संक्रमित भेटिएका हुन् । योसहित नेपालमा हालसम्म कोरोना संक्रमितको संख्या ३ लाख ३५ हजार ६१ पुगेको छ ।

२४ घण्टामा थप ३७८ ले जिते कोरोना

नेपालमा पछिल्लो २४ घण्टामा थप ३७८ जना कोरोना संक्रमित संक्रमणमुक्त भएका छन् । मन्त्रालयका अनुसार देशभरका विभिन्न अस्पतालमा उपचाररत उनीहरु संक्रमणमुक्त भई डिस्चार्ज भएका हुन् ।

योसँगै कोरोना संक्रमणमुक्त हुनेको संख्या २ लाख ७७ हजार ९५१ पुगेको छ ।

२४ घण्टामा थप १२ जनाको मृत्यु

नेपालमा पछिल्लो २४ घण्टामा थप १२जनाको मृत्यु भएको छ । योसँगै हालसम्म कोरोनाले ज्यान गुमाउनेको संख्या ३ हजार १७६ पुगेको मन्त्रालयले जानकारी दिएको छ ।

काठमाडौँ उपत्यकामा मात्रै थपिए १९१२ कोरोना संक्रमित

पछिल्लो २४ घण्टामा काठमाडौँ उपत्यकामा मात्रै १९१२ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले काठमाडौंमा १५६७, भक्तपुरमा १२२ र ललितपुरमा २२३ जनामा गरी कुल १९१२ जना थपिएको जानकारी दिएका हुन् ।

यसअघि हिजो काठमाडौँ उपत्यकाका तीनवटै जिल्लामा गरी १४९८ जनामा कोरोना भाइरसको संक्रमण पुष्टि भएको थियो ।

कुन उमेरसमूहमा कति संक्रमित थपिए ?

पछिल्लो २४ घण्टामा थपिएका संक्रमितमध्ये २०-२९ वर्ष उमेर समूहका सबैभन्दा धेरै ८६३ जनामा कोरोना पुष्टि भएको मन्त्रालयको तथ्यांकमा उल्लेख छ । उमेर समूह अनुसार यस्तो छ कोरोना संक्रमितको विवरण-

उमेर समूह अनुसार संक्रमितको विवरण
०-९ वर्ष – ६३
१०-१९ वर्ष – २७३
२०-२९ वर्ष – ८६३
३०-३९ वर्ष – ८५०
४०-४९ वर्ष – ६०७
५०-५९ वर्ष – ४०५
६०-६९ वर्ष – २१६
७०-७९ वर्ष – १०१
८०-८९ वर्ष – ३२
९०-१०० वर्ष- ५
अज्ञात – २७

सक्रिय संक्रमितको संख्या २२ हजार नाघ्यो

नेपालमा कोरोना भाइरस सक्रिय संक्रमितको सख्या २२ हजार नाघेको छ ।

पछिल्लो केही दिन यता निको हुने भन्दा नयाँ संक्रमित थपिनेको संख्या बढेसँगै सक्रिय संक्रमितको संख्या २२ हजार नाघेको हो ।

स्वास्थ्य तथा जनसंख्या मन्त्रालयको सोमबारको तथ्यांक अनुसार सक्रिय संक्रमितको संख्या २२ हजार ४३४ रहेको छ । यसअघि हिजो आइतबारसम्म सक्रिय संक्रमितको संख्या १९ हजार ३८२ थियो ।

यी हुन् ५ सय बढी सक्रिय संक्रमित भएका जिल्ला

मन्त्रालयको तथ्याक अनुसार नेपालमा हाल ९ जिल्लामा सक्रिय संक्रमितको संख्या ५ सय भन्दा बढी छ ।

मन्त्रालयको तथ्यांक अनुसार काठमाडौं उपत्यकाका तीन वटै जिल्लाका साथै मोरङ, पर्सा, कास्की, दाङ, बाँके र रुपन्देहीमा संक्रिय संक्रमितको संख्या ५०० भन्द बढी छ ।

२४ घण्टामा कुन जिल्लामा कति थपिए ?

पीसीआर विधिबाट गरिएको परीक्षणमा कोरोना पुष्टि भएकाहरुको जिल्लागत विवरण यस्तो छ-

मन्त्रालयका अनुसार प्रदेश १ को इलाममा ५ , उदयपुरमा ४, खोटाङमा १, झापामा ४३, ताप्लेजुङमा २ , धनकुटामा २ , पाँचथर ३, भोजपुरमा २, मोरङमा १३४, संखुवासभामा २, सुनसरीमा ४२ र सोलुखुम्बुमा ४ जनामा कोरोना भेटिएको छ।

यसैगरी प्रदेश २ को धनुषामा ३१ , पर्सामा ९८, बारामा १४, महोत्तरीमा ६, रौतहटमा१४ , सप्तरीमा ७ , सर्लाहीमा १३ र सिरहामा १० जनामा कोरोना पाइएको छ।

बागमती प्रदेशको काठमाडौंमा मात्र १५६७ जनामा कोरोना भेटिएको छ। काभ्रेमा २७ , चितवनमा ९६, दोलखामा ३ , धादिङमा ५२ , नुवाकोटमा १४ , भक्तपुरमा १२२ , मकवानपुरमा ३२ , रसुवामा ४ , रामेछापमा ४ , ललितपुरमा २२३, सिन्धुपाल्चोकमा ४ र सिन्धुली ५ जनामा कोरोना पुष्टि भएको छ।

गत २४ घण्टामा गरिएको परीक्षणमा गण्डकी प्रदेशको कास्कीमा ६२ , गोरखामा २३ , तनहुँमा ७ , नवलपरासी पूर्वमा ३० , पर्वत ७, मुस्ताङ १, म्याग्दी ४, लमजुङमा ६, बागलुङमा ६ र स्याङजामा ५ जनामा कोरोना भेटिएको छ।

कोरोना पुष्टि हुनेमा लुम्बिनी प्रदेशको अर्घाखाँचीमा ९ , कपिलवस्तुमा १५, गुल्मीमा २०, दाङमा २६, नवलपरासीमा ४, पाल्पामा ३४, प्यूठानमा ४, बर्दियाका २३, बाँकेमा ३०७ , रुकुम पूर्व २ , रुपन्देहीमा ९५ र रोल्पामा ५ जना छन्।

यस्तै, कर्णाली प्रदेशको कालिकोटमा २ , जाजरकोटमा १, जुम्ला १, दैलेखमा २, रुकुम पश्चिममा २, सल्यानमा ४, सुर्खेतमा ३ र हुम्लामा २ जनमा कोरोना भेटिएको छ भने सुदूरपश्चिम प्रदेशको अछाममा २, कञ्चनपुरमा ४१ , कैलालीमा २८ , डडेल्धुरामा १८ , डोटी १४ , दार्चुला ३ , बझाङमा १ , बाजुरामा १ र बैतडी ३२ मा जनामा कोरोना भेटिएको मन्त्रालयले जनाएको छ।

आईसीयू र भेन्टिलेटरमा उपचाररत संक्रमित कहाँ कति ?

नेपालमा कोरोना संक्रमितको संख्या बढेसँगै आईसीयू र भेन्टिलेटरमा उपचाररतको संख्या पनि बढेको छ ।

हाल भेन्टिलेटर र आईसीयूमा गरी कूल ३४६ जना स‌क्रमितको उपचार भइरहेको स्वास्थ्य तथा जनसंख्या मन्त्रालयले जानकारी दिएको छ ।

स्वास्थ्य तथा जनसंख्या मन्त्रालयको पछिल्लो विवरणअनुसार हाल देशभर ७८ जना संक्रमित भेन्टिलेटरमा र २६८ को आईसीयूमा उपचारत छन्।

मन्त्रालयको विवरणअनुसार हाल प्रदेश १ मा २४ जना संक्रमित आईसीयूमा र १ जना भेन्टिलेटरमा, प्रदेश २ मा हाल आईसीयूमा ९ जना उपचाररत छन् । यसैगरी बाग्मती प्रदेशमा ११९ जना आईसीयूमा र ४९ जना भेन्टिलेटरमा उपचाररत छन् ।

यसैगरी गण्डकी प्रदेशमा ५ जना आईसीयूमा र १ जना भेन्टिलेटरमा, लुम्बिनी प्रदेशमा ७५ जना आईसीयूमा र २३ जना भेन्टिलेटरमा उपचाररत रहेको मन्त्रालयको तथ्यांकमा उल्लेख छ ।

मन्त्रालयको तथ्यांकअनुसार कर्णाली प्रदेशमा १६ जना आईसीयूमा तथा सुदूरपश्चिम प्रदेशमा २० जना आईसीयूमा र ४ जना भेन्टिलेटरमा उपचाररत रहेको मन्त्रालयले जनाएको छ।

सोमबार, १३ बैशाख, २०७८, रातीको ०८:२३ बजे

सम्बन्धित खवर