सुनसरीमा एक वडाध्यक्षको निधन

इनरुवा /   सुनसरीको गढी गाउँपालिका–१ का वडाध्यक्ष शङ्करप्रसाद चौधरीको निधन भएको छ ।

उनको विराटनगरको विराट टिचिङ अस्पतालमा उपचारका क्रममा निधन भएको गाउँपालिकाका अध्यक्ष श्रीप्रसाद यादवले बताए ।

चौधरी मुटुसम्बन्धी समस्याका कारण अस्पताल भर्ना भएका थिए । चौधरी २०७४ सालको स्थानीयतहको निर्वाचनमा नेकपा (एमाले) का तर्फबाट वडाध्यक्षमा निर्वाचित भएका थिए। चौधरीका श्रीमती, एक छोरी र एक छोरा रहेका छन्।

वडाध्यक्षको निधनमा गाउँपालिकाले आज शोक बिदा दिएको छ।

बिहिबार, १७ भदौ, २०७८, दिउँसोको ०२:२७ बजे

सम्बन्धित खवर