शान्ति र संवृद्धिका लागि भन्दै यो वर्ष पनि अढाइ किलोमिटर घस्रिए मेयर भिम पराजुली

विराटनगर महानगरपालिका प्रमुख भीम पराजुलीले छठमा ब्रत बसेर साष्टाङ दण्डवत प्रणाम गर्दै (दुरी नापेर घस्रिँदै) छठ पुजा गर्ने स्थल(घाट) सम्म पुग्ने यात्रालाई यो वर्ष पनि निरन्तरता दिएका छन । महानगरवासीको शान्तिसुरक्षा र संवृद्धिका लागि भन्दै प्रमुख पराजुलीले छठमा ब्रत बसी साष्टाङ्ग दण्डवत यात्रालाई निरन्तरता दिएका हुन ।

प्रमुख पराजुलीलाई यो वर्ष उनकी पत्नी रंजिता पराजुली र भतिज प्रमेस पराजुलीले घस्रिन साथ दिएका छन । शनिबार बिहान साढे १० बजे विराटनगर ३ ठूलो मिल चौकमा रहेको शिव पञ्चायन मन्दिरबाट प्रमुख पराजुलीले दण्डवत प्रणाम यात्रामा निस्किएका हुन् । करिब अढाई किलोमिटरको दुरीमा रहेको सिँघिया खोलाको पुजास्थल (घाट) सम्म उनले आफ्नो शरिरको दुरी नापेर दण्डवत यात्रा करिब चार घण्टामा पुरा गरेका छन ।

धार्मिक आस्थामा कट्टर प्रमुख पराजुली हरेक वर्ष झै यसपाली पनि छठ पर्वका लागि चार दिन अघिदेखी नै चोखो निधो भएर ब्रत बसेका थिए । शाष्टाङग दण्डवत यात्रापछि आज साँझ अस्ताउदो र आइतबार बिहान उदाउँदा सुर्यलाई अर्घ दिएपछि आफ्नो ब्रत पुरा हुने मेयर पराजुलीले जानकारी दिए ।

धार्मिक परिवारमा हुर्केका पराजुलीले २५ वर्षको बिद्यार्थी उमेरदेखि नै कठिन ब्रत बसेर साष्टङग दण्डवत गर्दै पुजा स्थल पुगेर छठ पुजा गर्ने गरेका थिए । आफुले १६ वर्षदेखि गर्दै आएको कार्यलाई गतसाल झै यसपाली पनि निरन्तरता दिएको उनले बताए । ‘पहिले म आफु र परिवारको रक्षाका लागि कठिन कार्य गरेर छठ पुजा गर्थे तर तीन वर्षदेखि महानगरवासीको सुरक्षा र संवृद्धिका लागि गर्न थालेको छु सकुन्जेल निरन्तरता दिन्छु उनले भने

मेयर पराजुली हिन्दु धर्ममा अगाध बिश्वास गर्ने धार्मिक व्यक्त्ति हुन । उनी साँझ बिहान नित्य पुजापाठ गर्ने गर्छन । कुनै पनि महत्वपुर्ण काम गर्दा पुरोहितसँग साइत हेराएर मात्र गर्ने उनको बानी रहेको उनलाइ नजिकबाट जान्नेहरु बताउछन ।

शनिबार, १६ कार्तिक, २०७६, दिउँसोको ०३:३६ बजे

सम्बन्धित खवर