मध्यावधि निर्वाचनको कार्यतालिका : साउन १५ भित्र दल दर्ताका लागि आह्वान गर्ने तयारी

२१ असार, काठमाडौँ / निर्वाचन आयोगले मध्यावधि निर्वाचनको कार्यतालिका तयार पारेको छ । प्रतिनिधिसभा विघटनविरुद्धको मुद्दामा सुनुवाइ अन्तिम चरणमा पुगेका बेला आयोगले निर्वाचनको कार्यतालिका तयार पारेको हो ।

निर्वाचन आयोगका सचिव सुरेश अधिकारीले आजै मतदाता नामावली, दल दर्ता र तथा उम्मेदवारी मनोनयन लगायतका सबै कार्यतालिका औपचारिक रूपमा सार्वजनिक हुने बताएका छन् ।

आयोगको बैठकले तयार पारेको तालिका अनुसार पहिलो चरणमा हुने निर्वाचनका लागि असोज २० र २१ गते उम्मेदवारी मनोनयन गर्ने कार्यतालिका तयार भएको छ ।

दोस्रो चरणको निर्वाचन हुने क्षेत्रमा असोज ३१ र कात्तिक १ मा उम्मेदवारी मनोनयनको तालिका तय भएको छ । निर्वाचन प्रयोजनका निम्ति दल दर्ताका लागि आयोगले असार ३१ देखि साउन १५ गतेसम्मको समय दिने भएको छ ।

सरकारले पहिलो चरणमा कात्तिक २६ र दोस्रो चरणमा मंसिर ३ मा निर्वाचनको मिति तोकेको छ ।

सोमबार, २१ असार, २०७८, दिउँसोको ०३:४३ बजे

सम्बन्धित खवर