म्यानमारकी प्रजातन्त्रवादी नेतृ सुकीलाई चार वर्षको जेल सजाय

काठमाण्डौ, २० मंसिर / म्यानमारकी नोबेल शान्ति पुरस्कार विजेता प्रजातन्त्रवादी नेतृ आङ सान सुकीलाई अदालतले चार वर्षको जेल सजाय सुनाएको छ ।
सोमवार एक अदालतले ७६ वर्षीया सुकीलाई सेनाविरुद्ध नागरिकलाई भड्काएको, कोभिड–१९ रोकथामका मापदण्ड उल्लङ्घन गरेको आरोपमा दोषी ठहर गर्दै जेल सजाय सुनाएको हो । उनीमाथि भ्रष्टाचार गरेको, गैरकानुनी रूपमा वाकीटकी राखेकोलगायतका आरोप लागेको छ ।
तर, सुकीले यो आरोपको खण्डन गर्दै आउनु भएको छ । यदि सुकीमाथि लागेका सबै आरोपमा अदालतले दोषी ठहर्याए उनलाई आजीवन कारावासको सजाय हुन सक्ने बीबीसीले जनाएको छ ।
गएको फेब्रुअरी १ तारिखमा सत्ता हातमा लिँदै सुकीलाई सेनाले नजरबन्दमा राखेको थियो । त्यसयता म्यानमारमा सैन्य ुकुु को विरोधमा प्रदर्शन हुँदै आएको छ । प्रदर्शनमा सेनाले बल प्रयोग गर्दै आएको छ । विरोध प्रदर्शनका क्रममा अहिलेसम्म १२ सय जनाभन्दा धेरै प्रदर्शनकारीको ज्यान गइसकेको छ ।

सोमबार, २० मंसिर, २०७८, रातीको १०:३६ बजे

सम्बन्धित खवर