पाँचथर जिल्लाबाट संघमा नेम्वाङ, मन्त्री आङ्बो पुनः प्रदेशमै सिफारिस

पाँचथर, भदौ २२ / पाँचथर जिल्लाबाट आगामी मंसिर ४ गते हुने संघ र प्रदेश निर्वाचनको लागि माओवादी केन्द्रले आफ्ना उम्मेदवारको नाम सिफारिस गरेको छ । संघ अन्तर्गत उक्त जिल्लाबाट पार्टीका प्रदेश अध्यक्ष हर्कबहादुर नेम्वाङ मिक्सो सर्वसम्मत भएका छन् । यस्तै प्रतिनिधिसभाको समानुपातिक तर्फमा नरबहादुर दुलाल सिफारिस भएका छन् ।
प्रदेशसभा निर्वाचन क्षेत्र (क) मा पनि प्रदेश अध्यक्ष मिक्सोको नाम सिफारिसमा परेको छ । मिक्सोसँगै उक्त क्षेत्रबाट हालकी प्रदेश सांसद सीता थेबे (प्रमिला) र लालबहादुर गुरुङ सिफारिस भएका छन् ।

प्रदेश (ख) मा भने हालका प्रदेश १ का आर्थिक मामिला तथा योजनामन्त्री इन्द्रबहादुर आङ्बो र शंखध्वज नेम्वाङ सिफारिस भएका छन् । आङ्बो माओवादी केन्द्रका पोलिटब्युरो सदस्य समेत हुन् । माओवादीले प्रदेशसभा समानुपातिकतर्फ जुनु लावती, होमबहादुर जबेगु, विशाल रसाइली, पेम्बा शेर्पा र मेदनी खत्रीलाई सिफारिस गरेको छ ।

बुधबार, २२ भदौ, २०७९, रातीको ०९:१९ बजे

सम्बन्धित खवर