एक- अर्काको कार्यक्रम बहिस्कारमै उत्रीए ठाकुर- महतो समुह , भण्डाफोर अभियान नै अलपत्र हुने संकेत

बैकल्पिक खवर

जनता समाजवादी पार्टी नेपाल (जसपा)बाट निष्कासनमा परेपछि आधिकारिकता गुमाएको महन्थ ठाकुर र राजेन्द्र महतो समूहभित्रै विभाजनको संकेत देखिन थालेको छ ।
निष्कासित ठाकुर–महतो समूहले जसपाकै ब्यानर , झण्डा, चुनाव चिन्ह र छाप दुरुपयोग गर्दै विभिन्न जिल्लाहरुमा कार्यकर्ता झुक्याउँदै हिँडे पनि उनीहरुबीचमै बेमेलता बढेर गएको हो ।हिजो प्रदेश एकका विभिन्न जिल्लामा सो समुहले आयोजा  गरेको कार्यक्रममा ठाकुर र महतो समुहका कार्यकताले एकले अर्काको कार्यक्रम लाई बहिस्कार गरेका छन । यसरी समूह भित्रनै एक पक्षले अर्काको कार्यक्रम बहिस्कार गर्न थालेपछि उनीहरुको जसपा विरुद्धको भण्डाफोर अभियान नै धरापमा परेको छ ।
जसपाको आधिकारिकता बारे निर्वाचन आयोगले गठन गरेको इजलासमा साउन ११ गते सम्पन्न हेड काउन्टमा ठाकुर–महतो पक्ष ५१ कार्यकारिणी समिति सदस्यमध्ये १६ मा खुम्चिएसँगै आधिकारिकता गुमाएको थियो ।
दलको आधिकारिकता गुमेसँगै प्रतिगामी ओली सरकारको थमौतीबाट १९ दिने मन्त्री बनेका ठाकुर–महतो समूहका नेताहरुको राजनीति धरमर भएपछि कथित भण्डाफोर अभियान भन्दै जिल्ला दौडाहा सुरु गरे पनि ।कार्यकर्ताले भने उनीहरुलाई छोडेका छन
ठाकुर–महतो समूहबीचमै एक पक्षले अर्को पक्षलाई स्वीकार नगर्ने परिपाटी विकास भएको समाचार स्रोतले दावी गरेको छ ।
शनिबार प्रदेश नम्बर १ का झापा र मोरङमा ठाकुर–महतो समूहले अगुवा कार्यकर्ता भेलाका नाउँमा कार्यकर्ता जम्मा गर्ने योजना बनाएको थियो । तर, यो समूहले प्रदेश नम्बर १ कै सबै भन्दा बढी आशा राखेको मोरङ जिल्लामा पनि उल्लेखनीय उपस्थिति जुटाउन सकेन ।
मोरङको बिराटनगरमा आयोजित भेलामा ठाकुर पक्ष र महतो पक्षका बीचमा विवाद उत्पन्न भएपछि अलग अलग भेला गरिए ।
समाचार स्रोतका अनुसार ठाकुर पक्षका मोरङ जिल्ला अध्यक्ष मोहम्मद कादिरको अध्यक्षतामा गरिने भनिएको जिल्ला भेला महतो पक्षले बहिस्कार मात्रै गरेन । महतो पक्षका चन्द्रप्रसाद राजवंशीको अगुवाईमा रामजानकी धर्मशालामा छुट्टै भेला आयोजना गरेको थियो ।
ठाकुर पक्षले भने जलजला रोडस्थित एक स्थानीय पार्टी समर्थकको घरमा भेला गरेको समाचार स्रोतले पुष्टि गरेको छ । ठाकुर पक्षका शेखर सिंह र चन्दा चौधरीसहितको भेला महतो पक्षले बहिस्कार गरेका हुन् । सिंह राष्ट्रिय सभा सदस्य छन् भने चौधरी प्रतिनिधि सभा सदस्य हुन् ।
स्रेतले दिएको जानकारी अनुसार ठाकुर पक्षको भेलामा ३० जना जति सहभागी थिए भने महतो पक्षको भेलामा ४० मानिस जम्मा भएका बताइन्छ ।

झापामा पनि जुटेन सहभागिता

यस्तै ठाकुर–महतो समूहले आयोजना गरेको झापा जिल्लास्तरीय भेलामा २२ जना उपस्थित भएको खबर छ । उक्त कार्यक्रममा साबिकका राजपा झापाका मुख्य मुख्य नेताहरु नै अनुपस्थित रहेको बुझिएको छ । कार्यक्रममा जसपाको जिल्ला भेला भनेर झुक्याउन खोजिए पनि पार्टी संस्थापन पक्षका नेता कार्यकर्ता नगएको स्रोतले बताएको छ ।
विर्तामोडस्थित मारवाडी सेवा समितिको हलमा डाकिएको भेलामा महतो निकट केशव झा प्रमुख अतिथि रहेका थिए ।  कार्यक्रमको अध्यक्षता भने ठाकुरनिकट अनुतसिंह राजवंशीले गरेका थिए । सो कार्यक्रममा राजेन्द्र महतो र शरद सिंह भण्डारी निकट अगुवा  नेताहरुको उपस्तिथि नरहेको बुझिएको छ ।

आइतबार, २४ साउन, २०७८, बिहानको १०:४५ बजे

सम्बन्धित खवर