दूध बोक्ने सवारीलाई छुट्टै लोगो

पथरी /   कृषक एवं दुग्ध सहकारी संस्थाले दूध ढुवानीका लागि उपलव्ध हुने प्रतीक चिन्ह (लोगो) सहज हुने सरोकारावालाले बताएका छन् । बन्द, हड्ताल, बन्दाबन्दी लगायतको अवस्थामा दूध ढुवानी अत्यावश्यक वस्तुमा परेपनि विभिन्न बहानामा रोकावट भइरहेकोमा लोगोको प्रयोगबाट समस्या निराकरण हुने भएकाले सरोकारवालाले लोगोको माग गरेका हुन् ।
दुग्ध विकास संस्थान एवं दुग्ध उद्योग व्यवसायीलाई सहजरुपमा दूध ढुवानी गर्ने सवारी साधनलाई लोगो लगाउने कार्यबाट किसानलाई आर्थिकरुपमा समृद्धि कायम हुनुका साथै मुलुकमा रोजगारीसमेत वृद्धि हुने किसानहरुले बताउँदै आएका छन् । दूध बोकेका सवारी साधनलाई निर्वाधरुपमा आवतजावतमा सहज होस् भत्रे उद्देश्यले राष्ट्रिय दुग्ध विकास बोर्डले विराटनगर दुग्ध वितरण आयोजना र अन्य दुग्ध उद्योगका २९ वटा दूध ढुवानी गर्ने सावारी साधनमा लोगो टाँस गरिएको जनाएको छ ।
प्रदेशस्तरीय सरोकारवाला निकायबीच शुक्रबार आयोजित अन्तक्र्रियामा सहभागीले लोगोको कारणले किसानले बिना अवरोध ल्याएको दूध समयमा पुग्ने र गुणस्तरीय दूध उपभोक्ताले प्राप्त गर्न सहज हुने बताएका छन् । संस्थानका गाडीमा प्रदेश नं १ भूमि व्यवस्था, कृषि तथा सहकारी मन्त्रालयका सचिव डा रामनन्दन तिवारी तथा बोर्डका कार्यकारी निर्देशक डा राजेन्द्रप्रसाद यादवले संयुक्तरुपमा लोगो लगाएका थिए । सचिव तिवारीले किसानले उत्पादन गरेको दूधलाई संस्थानसम्म पु¥याउन लोगोले आवश्यक सहयोग पुग्ने र यस्ता सवारी साधनलाई निर्वाधरुपमा सञ्चालन हुनुपर्नेमा जोड दिए ।
अनावश्यक रोकावटका कारण दूधमा निकै क्षति हुनाले राष्ट्रिय दुग्ध विकास बोर्डले दूध ढुवानी गर्ने गाडीलाई कसैले रोक्न नसक्ने गरी पहिचानका लागि प्रतीक चिन्ह तयार गरी ढुवानी साधनमा प्रगोग गर्न सुरु गरेको छ । दूध ढुवानी गर्ने गाडीको छुट्टै पहिचान नभएकाले बिना कारण विभिन्न ठाउँमा रोकावट हुने गरेको र त्यसले गर्दा दूध समयमा नपुग्दा बिग्रिने र क्षति हुने गरेको छ ।

शनिबार, २३ असोज, २०७८, बिहानको ०८:२४ बजे

सम्बन्धित खवर