राजनीतिक एजेन्डामा अब अल्झिरहने अवस्था छैन : प्रचण्ड

काठमाडौं, २६ भदौ / माओवादी केन्द्रका अध्यक्ष पुष्पकमल दाहाल प्रचण्डले देशको आर्थिक स्थिति बलियो बनाउनका लागि कृषिमा आधारित उद्योगहरुको विकास गर्नुपर्ने बताएका छन् । प्रचण्डले नेपाललाई कृषि उद्योगको विकासबाट १० वर्षमै आर्थिक चमत्कार गर्न सकिने बताए ।

राजधानीमा आइतबार आयोजित युवा समिट कार्यक्रमलाई सम्बोधन गर्दै उनले भने, ‘हामीले चाहेमा चमत्कार गर्न सकिन्छ। हामी राजनीतिलाई अब विकास र समृद्धिका लागि लाग्न सक्छौं। देशलाई १० वर्षमै समृद्ध बनाउन सक्छौं।’ उनले देशको अर्थतन्त्र झनै पछाडी धकेलिँदै गएको भन्दै अर्थतन्त्रलाई बलियो बनाउन कृषिमा आधारित उद्योगहरुको विकास गर्नुपर्ने धारणा राखेका छन्।

उनले ५०-६० वर्ष अगाडि नेपाल खाद्यान्नमा आत्मनिर्भर भएको स्मरण गरे । आफ्नो बाँकी जीवन आर्थिक क्रान्तिको लागि व्यतित गर्ने बताउँदै प्रचण्डले लक्ष्य प्राप्तिका लागि दृढ हुनुपर्नेमा जोड दिए ।

राजनीतिक एजेन्डामा अब अल्झिरहने अवस्था नरहेकाले देशलाई विकासको मार्गमा लानुपर्ने उनको भनाई थियो।

आइतबार, २६ भदौ, २०७९, रातीको ०९:४७ बजे

सम्बन्धित खवर