प्रदेश १ मा आज ८५ जना कोरोना संक्रमित थपिए, १५३ जना डिस्चार्ज

कार्तिक ३०, विराटनगर / प्रदेश १ मा आज ८५ जना कोरोना संक्रमित थपिएका छन् ।

मोरङमा २९, सुनसरीमा २४, ताप्लेजुङमा ७, तेह्रथुम र धनकुटामा ६–६, झापामा ५, इलाममा ४, उदयपुरमा १ र प्रदेश १ बाहिरका ३ जना रहेको सामाजिक विकास मन्त्रालयले जनाएको छ ।

मोरङको विराटनगरमा १८, सुन्दरहरैचा, रंगेली र बुढीगंगामा २–२, उर्लाबारी, सुनबर्षी र बेलबारीमा १–१ र स्थानीय तह नखुलेका २, सुनसरीको धरानमा १०, इटहरीमा ६, इनरुवा र हरिनगरमा २–२, बराहक्षेत्र, बर्जु, देवानगञ्ज र दुहबीमा १–१ जनाको रिपोर्ट पोजेटिभ आएको सामाजिक विकास मन्त्रालयले जनाएको छ ।

उता ताप्लेजुङको फुङलिङमा ५, पाथिभरा र श्रीजंगामा १–१, तेह्रथुमको म्याङलुङमा ६, धनकुटाको महालक्ष्मीमा ५ र साँगुरीगढीमा १, झापाको दमक र बिर्तामोडमा २–२ र स्थानीय तह नखुलेका १, इलामको माईजोगमाईमा ४, उदयपुरमा १ र प्रदेश १ बाहिरका ३ जनामा सङ्क्रमण देखिएको छ ।प्रदेश १ मा कोरोना सङ्क्रमितको सङ्ख्या २३ हजार ७५० पुगेको छ ।

प्रदेश १ मा आज ४२६ जनाको पीसीआर परीक्षण गरिएको छ । परीक्षण गरिएका मध्ये ३३ महिला र ५२ पुरुषको रिपोर्ट पोजेटिभ आएको हो । हालसम्म १ लाख ७८ हजार ५०५ जनाको पीसीआर परीक्षण गरिएको मन्त्रालयले जनाएको छ ।

प्रदेश १ मा आज १५३ जना डिस्चार्ज भएका छन् । डिस्चार्ज हुने सबै होम आइसोलेसनका रहेका छन् । हालसम्म डिस्चार्ज हुनेको सङ्ख्या १७ हजार ९३१ पुगेको छ ।

आइतबार, ३० कार्तिक, २०७७, साँझको ०५:२३ बजे

सम्बन्धित खवर