विराटनगरमा शुरू भयो ओली पक्षको जनसभा

८ फाल्गुन, विराटनगर/ नेपाल कम्युनिस्ट पार्टी (नेकपा) ओली पक्षको विराटनगरमा बृहत जनसभा शुरू भएको छ ।
प्रदेश १ को राजधानी विराटनगरमा ओली पक्षले शक्ति प्रदर्शन गर्दै आज जनसभाको आयोजना गरेको हो ।

जनसभालाई सम्बोधन गर्न प्रधानमन्त्री ओली विराटनगर पुगेका छन् । अहिले सभालाई विभिन्न नेताहरुले सम्बोधन गरिरहेका छन् ।

विराट नर्सिङ होम पूर्वतर्फको मैदानमा आयोजित सभामा प्रदेश १ का विभिन्न जिल्लाबाट जुलुससहित आएका हजारौँ मानिस सहभागी छन् । सभामा दुई लाख जनता उतार्ने ओली पक्षले बताएको थिए ।

यसअघि, विराटनगर विमानस्थलबाट कार्यक्रमस्थल जानेक्रममा प्रधानमन्त्री ओलीलाई नेकपाको प्रचण्ड माधव समूहका विद्यार्थी तथा कार्यकर्ताले कालो झण्डा देखाएका थिए ।

शनिबार, ०८ फागुन, २०७७, दिउँसोको ०२:४३ बजे

सम्बन्धित खवर