नेपाल पक्षले दुईदिनमै नाम फेर्यो, अब ‘नेकपा एकीकृत समाजवादी’

काठमाडौँ / माधव नेपाल पक्षले नयाँ पार्टी दर्ताका लागि दिएको नाम फेरेको छ । नेकपा एमाले समाजवादीबाट नाम परिवर्तन गरि अब सो पार्टीको नाम ‘नेकपा एकीकृत समाजवादी’ राखिने भएको छ ।

राजेन्द्र पाण्डेसहितको टोली निर्वाचन आयोग पुगेर नाम संशोधन गरेका हुन् । यसअघि नेपालले प्रस्ताव गरेको नेकपा एमाले (समाजवादी) नाम मूल पार्टीसँग जुधेको भन्दै निर्वाचन आयोगले अस्वीकार गर्न सक्ने सम्भावना रहेको आयोग स्रोतले बताएको थियो । एमाले जोडिएको नाम अस्वीकृत हुने सम्भावना देखेपछि नयाँ नाम प्रस्ताव गरिएको हो ।

त्यस्तै, ९५ सदस्यीय केन्द्रीय समिति प्रस्ताव गरिएकोमा सोको संख्या बढाएर ११५ पुर्‍याइएको छ । चुनाव चिन्हको बारेमा भने अझै निर्णय भइसकेको छैन । नयाँ पार्टीका लागि ‘खुला किताब’ चुनाव चिन्ह प्रस्ताव गरिएको थियो । तर, त्यो अर्को पार्टीसँग मिलेपछि त्यसमा विवाद सिर्जना भएको थियो ।

शुक्रबार, ०४ भदौ, २०७८, दिउँसोको ०३:११ बजे

सम्बन्धित खवर