माधव नेपाललाई शुरुमै झड्का,  ‘जनताको बहुदलीय समाजवाद’ नै विवादित

७ भदौ, काठमाडौं । ‘जनताको बहुदलीय समाजवाद’ नै विवादमा परेपछि नेकपा एकिकृत समाजवादी पार्टी पुन विवादित भएको छ । विवाद समाधान गर्न पार्टीले दुईदिनलामो बैठक समेत बोलाएको छ ।

नेकपा एकीकृत समाजवादी पार्टी दर्ता गर्न निर्वाचन आयोगमा निवेदन दिएका माधवकुमार नेपालसहितका नेताहरु चन्द्रागिरि रिसोर्टमा पुगेका छन् ।

नयाँ पार्टीको केन्द्रीय समितिमा रहेका नेतालाई छलफलका लागि भन्दै रिसोर्टमा बोलाइएको छ । माधव नेपाल निकट एक नेताका अनुसार रिसोर्टमा पार्टीको नयाँ नीति ‘जनताको बहुदलीय समाजवाद’ को विषयमा छलफल हुनेछ ।

सोमबार र मंगलबार चन्द्रागिरिमै छलफल गर्ने र मंगलबार त्यहाँबाट सिधै निर्वाचन आयोग जाने उनले बताए । निर्वाचन आयोगले नेकपा एकीकृत समाजवादी पार्टीका केन्द्रीय सदस्यहरुको सनाखतका लागि भदौ ९ गते मंगलबार बोलाएको छ ।

सोमबार, ०७ भदौ, २०७८, साँझको ०६:४२ बजे

सम्बन्धित खवर